Gazetari Elvi Fundo nga studio e emisionit “A-Show” tha se Klodian Zoto, një prej të shpallurve në kërkim nga SPAK për aferën e inceneratorëve, ndodhet në Tiranë.
“Klodian Zoto mua më thonë se ndodhet në Tiranë, por nuk e di policia çfarë bën. Klodi duhet të bëhet pendito të paktën”, tha ai.
Klodian Zoto është një nga tre personat që fshihen pas aferës së miliona eurove me inceneratorët, së bashku me Mirel Mërtirin dhe Stela Gugalljan.
Zoto, Mërtiri dhe Gugallja ndodhen në kërkim ndërkombëtar. Prokuroria e Posaçme ka kërkuar 10 vite burg për Zoton dhe Mërtirin, ndërsa 7 vite për bashkëjetuesen e këtij të fundit, Stela Gugalljan.
Duke qenë se gjykata ka pranuar gjykimin e shkurtuar, Klodian Zoto dhe Mirel Mërtiri mund të dënohen me 6 vite e 8 muaj burgim, e ndërsa Gugallja me 4 vite e 8 muaj burg.
Discussion about this post