Trajneri gjerman Jurgen Klop ka theksuar se Liverpool zhvilloi performancën më të dobët në histori në pjesën e parë ndaj Manchester Sitit.
“Ndoshta ishte më pak se mesatare. Ishim shumë pasivë me dhe pa top dhe e dërgonim topin drejt e në duart e Sitit. Ishte pjesa e parë më e dobët që kemi luajtur kundër tyre. Isha më shumë se i kënaqur kur dëgjova vërshëllimën e pjesës së parë, sepse duhet të korrigjonim shumë gjëra dhe e bëmë.
Pjesa e dytë ishte krejtësisht e ndryshme. Nëse do të kishim luajtur si në 45 minutat e dyta do të më kishte pëlqyer të fitonim, por me atë pjesë të parë jam i lumtur me një pikë”, tha Klop.
