Liverpool pret kryesuesit e Arsenalit (17:30), në Anfield të dielën, në kërkim të fitores dhe të sigurimit të biletës drejt Championsit për sezonin e ri.
Jurgen Klopp ka pohuar se mund të jetë në gjendje ta kthejë Liverpoolin aty ku i takon, duke theksuar se nuk i ka shkuar kurrë në mendje që ai është trajneri më i mirë, por as edhe më i keqi.
“Nuk kam asnjë problem me rinovimin, është pjesë e punës. Nëse do të dyshoja ndonjëherë për veten pas humbjes së ndeshjeve, do të kishte qenë e vështirë për mua që në fillim.
Nuk kam menduar kurrë se jam trajneri më i mirë në botë dhe tani nuk mendoj se jam më i keqi. Është vetëm një situatë që duhet ta kapërcejmë. Unë di shumë për futbollin dhe di shumë për njerëzit. Di që ndonjëherë kërkon kohë, në një botë ku nuk na jepet fare kohë.
Në planin afatgjatë, ato momente më bëjnë një trajner më të mirë, sigurisht. Për mua dhe pjesën tjetër të stafit stërvitor, kjo do të na bëjë më të mirë.
Kjo nuk ka filluar ende, por ne duhet të bëjmë atë që është e drejtë dhe t’i ndihmojmë lojtarët të bëhen përsëri versioni më i mirë i vetes. Ne ishim në krye për një kohë të gjatë dhe do të jemi përsëri atje. Kjo është ajo që duhet të bëj”.
Discussion about this post