Zëvendëskryetari i Këshillit të Lartë të Prokurorisë, Alfred Balla, ka paraqitur sot në Komisionin e Ligjeve, mangësitë dhe kërkesat që kanë atë si institucion. Ai u shpreh se, ky institucion është ne gjendjen më të keqe të tij, për shkak se ka mungesë të theksuar stafi. Ai tregoi se, në të gjithë vendin janë 220 prokurorë në detyrë, ndërkohë që organika është 341.
Duke theksuar se shpresat janë te harta e re gjyqësore, ai shtoi se situata mund të përkeqësohet deri vitin e ardhshëm. “Numri i prokurorëve që po shteron është problem edhe për KLP. Ky është viti më i keq për organin e prokurorisë, nga statistikat janë rreth 71 prokurorë të shkarkuar 71 të konfirmuar, 15 prokurorë që kanë hequr dorë dhe pastaj daljet në pension dhe kërkesat njerëzore, në total numri i prokurorë në gjithë vendin është 220 që janë në detyrë kur organika është 341, pra shikohet një thellim në mungesën e burimeve njerëzore, prokuroria është në hall. Mbase miratimi i hartës së re gjyqësore të bëjë njëfarë rregullimi. Në sot kemi një të keqe në sistem, me sot nga Shkolla e Magjistraturës nuk presim asnjë prokuror. Për një vit, mendoni vet si do të jetë gjendja, do të jetë më keq e kam ngritur zërin, ua them edhe juve pasi duhet të gjejmë zgjidhje”, u shpreh ai.
Në lidhje me Hartën e re Gjyqësore ai tha se KLGJ duhet të ishte konsultuar me të më parë. Balla tha se KLP ka rëndësinë e saj dhe do ishte mirë t’i jepej hapësira e duhur për dhënie mendimesh dhe sugjerimesh.
“Në lidhje me hartën gjyqësore, ne si KLP deri tani s’na është marrë asnjë lloj mendimi nga KLGJ , deri tani na është thënë që ne do jemi pjesë pasi të përgatitet një draft. Është e domosdoshme ta japim një mendim. Hetimi penal është ai që furnizon edhe gjykatat. As prokurori i përgjithshëm mesa di un nuk është pyetur. Presim që ministria e drejtësisë dhe KLGJ të na japë draftin dhe ne të japim mendimet tona, për ndarjen gjyqësore dhe për hartën gjyqësore, kush ia vlen të shkrihet dhe kush nuk ia vlen”, shtoi Balla, ndërsa tha se i ka bërë kërkesë KLGJ për këtë dhe është një pritje të një përgjigjeje. E.H/ gijotina.com/
Discussion about this post