Kontrolli i Lartë i shtetit tregon se, në pjesën e parë të këtij viti janë depozituar pranë zyrave një valë ankesash, por 20 prej tyre janë marrë në shqyrtim dhe iu janë kthyer përgjigje. Gjithsesi, KLSH tregon se në këtë vit numri i ankesave ka qenë më i lartë në raport me një vit më parë.
Nga të dhënat e publikuara bie në sy se numri më i lartë i ankesave regjistrohet për çështjet e pronave, ku qytetarët shprehen se nuk janë të kënaqur me kompensimin e bërë. Më pas, një nivel i lartë ankesash paraqitet për PPP-të, pra gati 15% të ankesave në total. Një numër të konsiderueshëm ankesash janë bërë edhe për procesin e mbledhjes së taksave, këto ankesa kanë qenë kryesisht nga bizneset.
“Kontrolli i Lartë i Shtetit ka pasur një numër në rritje kërkesash për informacion nga viti në vit, të ardhura nga individë, subjekte të ndryshme dhe OJF. Vetëm gjatë periudhës janar – qershor të vitit 2021 janë trajtuar dhe u është përcjellë informacioni i kërkuar 20 kërkesave, të ardhura në adresën e koordinatorit të informimit të KLSH-së
Në grafikun e mëposhtëm pasqyrohen fushat kryesore të shqetësimit publik për çështje të qeverisjes në Shqipëri, nga të cilat 15% e ankesave të adresuara KLSH-së i takojnë administrimit financiar dhe fushës së prokurimit publik; 8% në fushën e taksave, tatimeve, 57% administrimit dhe kthimit të pronës dhe 13% fushave të tjera dhe 7% trajtojnë çështje të ndryshme”, thuhet në raport.
Në këtë kuadër nëse deri në fund të viti 2021 shqyrtohen të gjitha ankesat e bëra, të dhënat tregojnë se do të përballemi me lumë ankesash për institucionet publike.
E.H/ gijotina.com/
