Në raportin e publikuar për rrugën Qukës -Qafë Plloç, KLSH ka konstatuara milion dollarë të shpenzuara për punë që nuk janë kryer dhe për transportin e punonjësve që në fakt nuk kanë bërë punën që iu ishte përcaktuar. Konkretisht KLSH shprehet se 21.6 milionë dollarë janë çuar dëm për shkak të punimeve të lëna pezull në lotin 3 të rrugës.
Ndërsa plot 687 mijë dollarë janë shfrytëzuar për mirëmbajtjen e automjeteve që nuk viheshin në punë, plus janë raportuar më shumë automjete nga se ekzistonin në fillim. Gjithashtu , 33 mijë dollarë për stafin që kurrë nuk kanë bërë punën dhe 100 milionë dollarë për punë e pakryera. Pra 864 milionë dollarë janë hedhur për asgjë.
“Loti 3, ka mungesë financimi, si pasojë e të cilit punimet janë pezulluar. Ky veprim shkakton vonesë në përfundim jo vetëm për lot 3, por për të gjithë projektin, pasi e gjithë rruga nuk vihet në funksionim pa përfundimin e këtij loti, duke vënë në dyshim arritjen e objektivave të projektit dhe mos arritje të përfitimeve të parashikuara, por dhe rritje të mëtejshme të kostos së projektit si pasojë e degradimit të punimeve të realizuara (gjatë gjithë segmentit të këtij loti) për shkak të ndërprerjes së tyre, të cilat deri më tani kapin vlerën prej 21.6 milionë USD.
Nga auditimi kanë rezultuar gjithashtu efekte negative financiare me vlerë 687 mijë USD për shpenzime shtesë për sigurime, kosto e operimit të automjeteve në dispozicion të mbikëqyrësit të punimeve, kosto laboratorike dhe pagesa për drejtues mjetesh, e cila vjen si pasojë e mosrealizimit të punimeve në afatin e përcaktuar në kontratë, dhe dëm ekonomik me vlerë 43,380 USD për pagesa të shpenzimeve për mirëmbajtje të mjeteve motorike në dispozicion të inxhinierëve dhe stafit në vlerën prej 33,120 USD dhe 101,259 USD për volume punimesh të pakryera por të situacionuara dhe likujduara (për 3 zëra)”, thuhet në raport.
Ndërsa theksohet më tutje se, pjesa e rrugës prej 2.9 km e financuar nga buxheti i shtetit nuk ka përfunduar plotësisht ku nuk janë realizuar shtresat asfaltike të rrugës (konglomerat, binder, tapet) si dhe mbrojtja e skarpateve. Nga vizita në terren u konstatua se ky segment është i përdorshëm nga banorët e zonës dhe me mungesën e shtresave asfaltike nga qarkullimi i mjeteve dhe kushtet atmosferike janë dëmtuar shtresat e bazës dhe nën-bazës si dhe skarpatet.
Discussion about this post