Ditë rinovimesh të kontratave në Premier League-n angleze. Sipas parashikimeve, klubi i Everton ka nënshkruar rinovimin me portierin e kombëtares angleze Jordan Pickford. Klubi doli me njoftim dhe bëri me dije se e kanë zgjatur bashkëpunimin deri më 30 qershor të vitit 2027.
Mbrojtësi i katërkëndëshit deklaroi për faqen e klubit që është shumë i lumtur për rinovimin dhe se synon të jetë një nga portierët më të mirë në historinë e klubit.
Rinovim të rëndësishëm ka bërë edhe Newcastsle United. Bardhezinjtë “blinduan” paraguaianin Miguel Almiron për 3 vite e gjysmë, pas sezonit fantastik që ai po bën. Amerikanojugori ka shënuar dhjetë gola në kampionat këtë sezon.
Discussion about this post