Klubi shqiptar në Gjermani, FC Besa Essen, ka prezantuar sot fanellat zyrtare për sezonin e ri 2025/26, në një atmosferë festive dhe plot emocion në stadiumin e përkohshëm në Borbeck (Prinzenstraße 44), për shkak të punimeve në fushën e vet.
Prezantimi filloi në orën 12:00 ku bë shpalosja e fanellave të reja për ndeshjet në shtëpi dhe jashtë. Më pas u zhvillua edhe një ndeshje testuese e skuadrës, dy herë nga 30 minuta, që i dha mundësinë publikut të shohë nga afër përforcimet dhe përgatitjet për sezonin e ardhshëm.
Por suprizat nuk mbaruan me kaq! Klubi njoftoi edhe një përforcim të rëndësishëm! Esad Morina, ish-lojtar i kombëtares U-21 të Shqipërisë dhe ish-futbollist i njohur i Schalke 04, është bashkuar me FC Besa Essen. Ky është një hap i madh për klubin, që po forcon radhët me emra me përvojë dhe të njohur në futbollin shqiptar e gjerman.
Po ashtu, pjesë e klubit janë edhe emra të njohur si Sokol Kolmaka, Fatmir Morina, dhe Besnik Kelmendi, të cilët së bashku me pjesën tjetër të kryesisë po punojnë për ta çuar FC Besa Essen në nivele të reja sportive dhe organizative.
“Për ngjyrat tona. Për prejardhjen tonë. Për unitetin tonë.” – ishte mesazhi kryesor që shoqëroi këtë prezantim, që mblodhi familje, tifozë, mbështetës dhe miq të klubit, duke treguar se FC Besa Essen është shumë më tepër se një klub futbolli, është një familje dhe një premtim.
Discussion about this post