Mund të themi pa asnjë dyshim se klubi spanjoll i Mallorcas është i varur plotësisht nga vetëm një sulmues këtë sezon.
Në nivelin e golave, sulmuesi kosovar, Vedat Muriqi, është një referencë e qartë e ekipit që drejtohet nga Javier Aguirre.
Gjatë ndeshjes me Elchen, prizrenasi e mori kartonin e pestë të verdhë, i cili ia pamundëson atij paraqitjen në duelin e ardhshëm kundër Real Sociedadit këtë të dielë.
Kjo nënkupton se Mallorca e humbi golashënuesin e saj më të mirë, i cili ka rëndësi vitale, shkruan mediumi spanjoll “Marca”.
28-vjeçari ka realizuar 10 gola këtë sezon në ligën elitare spanjolle, ndërsa trajneri meksikan nuk ka opsione ideale të “Piratit” të tij sot për sot pasi lojtarët tjerë nuk janë treguar të efektshëm sa herë u është dhënë rasti.
E keqja e Mallorcas është që kur nuk luan Muriqi, ky ekip gjithmonë pëson humbje.
Kjo ka ndodhur tri herë në këtë edicion dhe në të tria rastet ekipi ishullor ka humbur.
Dhe, Mallorca frikësohet se e njëjta “muzikë” do të këndohet edhe këtë të diel në duel me Sociedadin.
Express
Discussion about this post