Sevilla do të presë Juventusin sonte në orën 21:00, në një sfidë që do të vendosë një prej skuadrave finaliste të Europa Leagues, trofeut të dytë më të rëndësishëm për klube të UEFA-s.
Tifozët andaluzë janë të karikuar maksimalisht për të mbështetur skuadrën e tyre në rrugën drejt triumfit për herë të 7 në këtë kompeticion, teksa para ndeshjes kanë paralajmëruar italianët se do të shohin ferrin në Andaluzi.
“Duam të fitojmë Europa Leaguen e 7 dhe nëse Manchester United pa spitalin psikiatrik të Nervionit, Juventusi do të shohë si është një spital psikiatrik në ferr.
Do të bëjmë që italianët të pendohen që kanë zgjedhur të bëhen futbollistë dhe t’u dridhen këmbët sa herë që të prekin topin”, shkruhet në komunikatën e tifozëve të Sevillas.
Sfida e parë mes Juventusit dhe Sevillas në Torino, përfundoi në barazim 1-1, teksa çështja e kualifikimit është tërësisht e hapur mbrëmjen e të enjtes.
Discussion about this post