Talenti 21-vjeçar El Bilal Ture është shndërruar në blerjen më të shtrenjtë në historinë e klubit italian të Atalantës, 27 milion euro plus 3 të tjera në formë bonusesh.
Klubi bergamask, aty ku bën pjesë prej vitesh edhe Berat Gjimshiti, ka prezantuar sulmuesin nga Mali, i cili i bashkohet zikaltërve nga spanjollët e Almerias.
Te ekipi me bazë në Andaluzi, Ture, luajti vetëm një sezon në La Liga, ku shënoi 7 gola dhe 2 asiste.
21-vjeçari luan në qendër të sulmit, por mund të përshtatet edhe në krahun e djathtë të sulmit.
Me kombëtaren e Malit, ai numëron 15 ndeshje dhe 5 gola. El Bilal Ture zbarkon në Bergamo për të zëvendësuar danezin Rasmus Hojlund, i cili ka arritur akordin me Mançester Junajtid dhe pritet të zyrtarizohet së shpejti.
Discussion about this post