Nënkryetari i Këshillit Bashkiak të Tiranës, Dorian Teliti ka thënë se nga “kodrat” me mbeturina në Sharrë të Tiranës, ku edhe pse paguhet për një incienerator që nuk është funksional, kryeqyteti rrezikohet të kthehet në një “bombë” ekologjike.
Teliti tha se për shkak të mbetjeve që po depozitohen në Sharrë, rrezikohet të shpërthejë një epidemi.
Ai theksoi gjithashtu se kërkesat e tij të vazhdueshme nuk merren për bazë përballë forcës së kartonave të mazhorancës në Këshill.
“Më 2023 Veliaj i vodhi zgjedhjet. I zgjedhur gjoja nga populli sot kemi një kryetar bashkie që s’është zgjedhur nga qytetarët. Është komanduar nga kryeministri, s’është certifikuar as nga Këshilli Bashkiak.
Ne i kemi kërkuar ezaurimin e të gjitha hapave për këshillin bashkiak për situatën në Bashkinë e Tiranës. Edhe më zë e figurë i tratojnë asetet e qytetarëve të Tiranës, abuzohen dita ditës.
44 protesta javore, dhe ne në diskursin tonë, kemi thënë gjithmonë që bashkia drejtohej nga dyshja Rama-Veliaj. Kryetarja në detyrë e emëruar, është e zgjedhur e kryeministrit, vërteton tezën tonë se drejtuesit realë janë dyshja Rama-Veliaj. Ka vendosur një mëkëmbëse se çfarë porosish vijnë nga ai.
Ne kemi bërë shumë shkresa të tillë, edhe interpelancë me Veliajn, në shkelje të hapur të ligjit, as nuk e kanë marrë, edhe pse e kanë grisur shkresën tonë. Shkresat tona i kanë trajtuar si letra higjienike, transparenca nga ana jonë është penguar nga ana e mazhorancës.
Ne që dimë, e prekim realitetin, se si funksionojnë gjërat në Bashkinë e Tiranës, por ka dhe stafe korrekte që marrin dhe informacione, na japin ndihmë të madhe mbi gjërat që ndodhin. Transparencë publike s’ka. S’dimë organigramën e re, kemi një strukturë që ka ndryshuar gjithë organikën e Bashkisë së Tiranës. Transparence në nivele zero. Fakti që ka pasur ndëshkime në dy vitetet e fundit, ka bërë që të ndërgjegjësohen e të na informojnë. Në bazë të tyre kemi marrë edhe iniciativa që kanë mbetur në letër.
Mazhoranca përdor dhunshëm kartonat, për të mbyllur kërkesën tonë për transparencë. Deri më sot, 200 veta për 44 herë para bashkisë e kanë dhënë rezultatin, Erion Veliaj ësHtë në burg.
Koha merr kohën e vet, e vërtetat vonon por një ditë triumfon. Flitet për incineratorë që s’ekzistojnë, kulla që mbijnë në oborret e shkollës. Jemi në një situatë ku thithim ajër 18 herë më të ndotur.
Në buxhetin e bashkisë, është kualifikuar kostoja e makinave që lajnë rrugët, kur e kanë parë për herë të fundit në Tiranë, ku digjen fletët. Incineratori, ku është?! Ndërsa paratë paguhen çdo ditë. Sot është vetëm Edi Rama në krye të bashkisë me vizionin e rilindur për të shkatërruar jetën e shqiptarëve dhe ato të Tiranës..67% shkojnë për pagesa personale. Sot ka 12100 punonjës, shpërdorim parash.
E kam lidhur pandjeshmërinë me nivelin e varfërisë. Është një binom që lidhet. S’është vetëm shqetësimi i plehrave i problematikës së shqiptarëve. Kur mungojnë ilaçet e onkologjikut, këta po vrasin sot të gjallët. Atje janë bërë disa male, kodra, jemi gati shpërthimit të epidemisë. Ujërat nëntokësore janë kontaminuar dhe shkojnë afër zonave përrreth”, tha Teliti.
Discussion about this post