Këtë të dielë Barcelona dhe Real Madrid do të përballen mes tyre për ‘El Classio’ dhe trajneri Koeman po tregohet i paduruar për këtë takim, duke shpresuar fitoren e parë si trajner në ndeshjen më të madhe të futbollit spanjoll.
Vitin e kaluar, Barcelona pësoi disfatë në të dyja El Clasicot që u luajtën. Tani, me tifozët e kthyer në tribuna, Koeman shpreson për një rezultat më të mirë.
“Ne kemi fituar dy ndeshjet tona të fundit dhe ndihemi mirë përpara kësaj ndeshjeje të madhe”, ka thënë fillimisht Koeman në konferencën për shtyp.
“Jemi të emocionuar për të luajtur këtë ndeshje. Shpresoj që stadiumi të jetë plot ose pothuajse i mbushur dhe të ketë një atmosferë të mirë”.
“Ne e dimë se çfarë mund të bëjmë dhe po luajmë në shtëpi, kështu që nuk kam frikë”.
“Të dyja skuadrat luajnë për maksimumin. Ne ende e mbajmë mend atë që ndodhi vitin e kaluar. Por, shumë gjëra mund të ndodhin. Kjo ndeshje do të thotë shumë për gjendjen aktuale të formës së të dyja ekipeve”.
I pyetur se cili klub ka skuadrën më të mirë për momentin, Koeman tha se ata janë të ngjashëm.
“Nuk e di, edhe pse ka një ndryshim për sa i përket përvojës. Ne gjithashtu kemi disa lojtarë me përvojë. Pra, jemi afër,”mbylli komentin trajneri katalanas
