Trajneri i Barcelonës, Ronald Koeman ka folur në konferencën për shtyp para përballjes me Valencian, që vjen menjëherë pas disfatave ndaj Benfikës dhe Atletiko Madrid.
Hollandezi e cilësoi takimin në horizont si një provë shumë të vështirë kundër një sukadre që di të jetë konkuruese fizikisht, por shtoi se vëmendja e tij do të jetë e fokusuar në riparimin e pjesëve që nuk kanë fuksionuar në ndeshjet e fundit.
“Unë përpiqem gjithmonë të jem i qetë, por nuk është e lehtë. Gjëja më e rëndësishme është të shpenzojmë energjinë për gjërat që mund të kontrollojmë. Po përqëndrohem te përmirësimi i skuadrës. E rëndësishme është në futboll që të fitosh ndeshjet,” komentoi Koeman pasi u pyet nëse tani është më i qetë që u konfirmua sërisht në stolin katalanas nga presidenca.
