Kompania “ZICO sh.p.k” tre ditë përpara se anija me kontejnerët e bananeve të mbërrinte në vendin tonë, ka lajmëruar autoritetet ligjzbatuese për kontroll të imtësishëm të këtyre kontejnerëve pasi ishin marrë informacione se në to mund të ishte futur kokaina nga grupet kriminale në Ekuador.
Në shkresën që mban datën 19 tetor, kompania i është drejtuar me shkresë zyrtare Drejtorisë së Përgjithshme të Policisë së Shtetit, Drejtorisë së Policisë Durrës, Drejtorisë së Kufirit e Migracionit, Drejtorisë së Doganës Durrës, dhe Njësisë së Kontrollit të Kontejnerë që kontejnerë që do mbërrinin në Portin e Durrësit për Llogari të kësaj Kompanie të hynin domosdoshmërisht në skaner, dhe atyre tu bëhej kontroll i imtësishëm.
Në shkresën depozituar institucioneve të mësipërme kompania ka këmbëngulur që nuk e merr në dorëzim mallin dhe nuk kryen asnjë veprim zhdoganimi pa u kryer kontrolli fizik dhe me qen.
Lexo edhe: Kokaina në Portin e Durrësit, shpallet në kërkim presidenti i “Bana King”
Në shkresë, autoriteteve u kërkohet që kontejnerët të monitorohen në shesh pushim. Gjithashtu kompania në shkresë sqaron institucionet se kompania nuk do kryejë asnjë veprim pa praninë e autoriteteve portuale, dhe pa praninë e autoriteteve ligjzbatuese.
Discussion about this post