I njëjti grup kriminal që trafikoi 137 kg kokainë, dyshohet se ka sjellë edhe dy dërgesat e fundit që janë kapur në portin e Durrësit. “Dërguesi” që solli pakot në shtator të 2019 në portin e Durrësit, sasi e cila u zëvëndësua me oriz, duket se vazhdojnë sjellin sërish “mall” në Shqipëri nga Ekuador.
Kokaina e kapur në Durrës në 13 korrik ishte e ndarë në 14 pako, 8 prej të cilave me nga 1.1 kilogramë dhe 6 me nga 4 kilogramë. Kontenieri është kapur nga kontrolli me skaner, vetëm pasi në port ishte shkarkuar një pjesë të mallit. Më pas, nga kontrollet e jashtme, kanë arritur ta gjejnë atë te makineria e kondicionerit.
Sipas materialeve të referuara në dosjen e SPAK, pakot ishin të mbështjella dhe nuk kishin asnjë shenjë. Dosjet janë bashkuar nga SPAK dhe po hetohen në një të vetme dhe po hetohet për të mësuar kush janë porositësit dhe dërguesit e pakove me kokainë nga Amerika Latine.
