Anëtarja e të vetquajturit Komisioni i Rithemelimit të PD-së, Evi Kokalari ka komentuar lidhur me largimin e saj nga politika. Ajo është shprehur se nuk priste që deklarata e saj të interpretohej në këtë formë, ndaj ka sqaruar se mbetet në dispozicion total. Megjithatë Kokalari ka shtuar se do të largohet përfundimisht drejt Amerikës vetëm kur PD-ja të ketë kryetarin e ri, dhe statutin që do jetë baza e PD-së Konservatore.
“Me që jeni bërë lëmsh dje, dhe Lulzim Basha me kryesinë e tij imagjinare që nuk ka asnjë autoritet partiak, përjashton e pezullon të gjithë anëtarët e Komisionit te Rithemelimit nga Partia, po bëj një deklaratë tjetër; Eshtë e padiskutueshme dhe duket qartë që kjo nuk është koha e përshtatshme të tërhiqem sado pak, megjithëse e kam shumë te nevojshme ti kthehem jetës time në Amerikë.
Eshtë gjithashtu e qartë që ajo që shkruajta dje, është keqkuptuar si braktisje dhe si shkëputje e plotë nga ajo çka filluam në 9 Shtator, dhe për më tepër është keqpërdorur nga të majtët ku bën pjesë dhe grupi Bashës. Si e tillë dua t’ju them se më keni sërish në dispozicion TOTAL, si gjithmon – pa “paratë e foltores” apo të dikujt tjetri, siç akuzojnë bodyguardet e Lulit”, shkruan ajo.
Kokalari është shprehur se vijon të ketë kontakte të vazhdueshme me demokratët dhe shton se nuk ishte e vetdijshme që deklarata e saj do të krijonte atë lloj reagimi.
“Lufta për pluralizmin Shqiptar vazhdon, dhe është një luftë që do ta fitojmë. Fakti që nuk jam gjithë kohën në Tiranë, s’do të thotë që nuk angazhohem. Përkundrazi, ndihmoj në drejtime të tjera. Gjithashtu e bëra të qartë më parë që jam në komunikim të përditshem me të gjithë anëtaret e Komisionit, dhe në asnjë moment nuk kam thënë se jam larguar nga ai. Për mbështetësit e mi, më vjen shumë keq që deklarata e djeshme ju ka dekurajuar. Nuk isha e vetëdijshme që mund të krijonte atë lloj reagimi”, deklaron Kokalari.
Kokalari ka zbuluar se kthimi në Amerikë do e bëjë që të fokusohet në kthimin e Donald Trumpit në Shtëpinë e Bardhë.
“Ndërkohë, gjithnjë do jem në krahë të Berishës, sepse besoj se është guri i fundit që e mban opozitën akoma gjallë. Gjithsesi, dua të sqaroj që kur opozita të ketë Kryetarin e ri, dhe statutin që do jetë baza e PDsë Konservatore, do ti kthehem jetës time në Amerikë, dhe do të fokusohem në fushatat elektorale të miqve të mi në Neë York, Ohio dhe Florida. Mos harroni, Donald J. Trump duhet të kthehet në Shtepinë e Bardhë nëse do ta fitojmë këtë luftë me Luciferin, dhe përgatitjet për kthimin i tij, fillojnë me fushatat e vitit 2022”, përfundon Kokalari.
Discussion about this post