“Komandanti” i Biden sulmon një tjetër efektiv të shërbimit sekret

Qeni i presidentit amerikan Joe Biden kafshoi një tjetër anëtar të Shërbimit Sekret të Shtëpisë së Bardhë.

Sipas zëdhënësit të Departamentit të Shërbimit Sekret, Steven Kopec, “komandanti”, siç quhet pastori gjerman dyvjeçar, ka kafshuar oficerin e shërbimit, i cili ka marrë ndihmën e parë në Shtëpinë e Bardhë dhe është mirë.

Kjo nuk është hera e parë që Komandanti sulmon një pjesëtar të shërbimit sekret. Ai ka kafshuar të tjerë në të kaluarën – ku njëri prej tyre ka përfunduar në spital me lëndime të rënda në krah dhe kofshë.

Në fakt, Major, një nga qentë e Biden, u hoq nga Shtëpia e Bardhë, menjëherë pasi presidenti amerikan mori detyrën, pas një incidenti të ngjashëm me një anëtar të stafit të Shtëpisë së Bardhë.