Një shqiptar është arrestuar një ditë më parë nga policia italiane në Bolonja, pasi u kap me një ngarkesë prej 36 kg kokainë të pastër dhe me vlerë miliona euro në tregun e pakicës, si dhe 70 mijë euro cash nga aktiviteti i dyshuar kriminal.
Ka qenë gjenerali Ettore Bramato, komandanti provincial i Karabinierëve të zonës, teksa “po tërbohej” në mes të rrugës, në “Via Cavalieri Ducati”, në Borgo Panigale.
Ndërsa ishte me uniformë në ato momente, ai ka kontaktuar kolegët e tij, duke kërkuar ndërhyrjen e tyre, teksa më pas ka vërejtur edhe një patrullë aty pranë, duke denoncuar të dyshuarin.
Kur policia u afrua për ta kontrolluar, i riu që rezultoi se ishte një 26-vjeçar shqiptar, në gjendje krejtësisht të ndryshuar, ndoshta edhe për shkak të ndonjë substance që kishte marrë, filloi të thoshte gjëra të pakuptimta dhe më pas drejtoi policinë drejt shtëpisë së tij, një apartament përgjatë së njëjtës rrugë”, shkruan “Ilrestodelcarlino”.
Në atë moment, efektivët zbuluan brenda banesës, të futura në një dollap dhe të fshehura jo dhe aq mirë, një çantë plotë me para. Rreth 70 mijë euro në kartëmonedha.
Me dyshime të forta se kishte edhe sende të tjera të paligjshme, efektivët vijuan kontrollin, duke zbuluar në shtëpi edhe 36 kilogramë kokainë.
I riu sipas policisë, emri i të cilit nuk u publikua, ishte në gjendje jo të mirë emocionale, duke u shfaqur agresiv, teksa u deshën përforcime të tjera për ta përcjellë në spital me ambulancë dhe që t’i ulej zëmërimi.
Disa orë pas mjekimit, ai u prangos dhe izolua në qeli, nën akuzën e “posedimit për qëllime të trafikut të lëndëve narkotike”, teksa po hetohet edhe për rrjetin e narkotrafikut në zonë, pjesë e të cilit i dyshuari ishte.
gijotina.com/
Discussion about this post