Kombëtarja e Shqipërisë për femra po udhëheq me shifrat 3-0 ndaj Armenisë, sfidë e cila po zhvillohet në stadiumin “Air Albania” dhe është e vlefshme për kualifikueset e kampionatit europian. Kuqezinjtë kaluan të parat në avantazh me Megi Doçin në minutën e 13-të të takimit. Sportistja realizoi nga një distancë shumë e largët me topin që kaloi të gjithë perimetrin e zonës dhe përfundoi në trekëndësh.
Për golin e dytë mendoi Mimoza Hamidi që ktheu në gol një asist të Doçit, protagoniste absolute në këtë pjesë të parë. Në fundin e fraksionit të parë të lojës, Megi Doçi realizoi një tjetër gol duke dërguar shifrat në 3-0. Një ndeshje e mrekullueshme për kapitenen e ekipit kombëtar. Shqipëria startoi përballjen me Armeninë me këtë formacion: Rexhepi, Hilaj, Curraj, Maliqi, Gjini, Franja, Elezaj, Hamidi, Krasniqi, Doçi, Maksuti”
