Ditën e sotme Kombëtarja Kosovare ka realizuar seancën e fundit stërvitore para përballjes kundër Suedisë ditën e nesërme në kuadër të kualifikueseve të Botërorit Katar 2022.
Stadiumi ‘Friends Arena’ në Stokholm hapi dyert për Dardanët, ku nesër do të presë edhe shumë bashkatdhetar të tyre në përkrahje të Kosovës.
Në këtë mbremje, të besuarit e Bernard Challandes janë paraqitur në formë të mirë, ku treguan se presin me padurim përballjen e nesërme, në një stadium të tejmbushur nga tifozët, ndërkohë që këtë seancë e kanë shfrytëzuar vetëm për tu ambjentuar me terrenin.
Këtë stërvitje e ndoqi nga afër edhe presidenti i FFK, Agim Ademi ndërsa e pranishme ka qënë edhe ambasadorja e Kosovës në Suedi, Shkëndije Sherifi.
