Kombëtarja shqiptare e vajzave kërkon fitore dhe historinë përballë Uellsit, sot në Shkodër

Prej orës 18:00, do të zhvillohet ndeshja Shqipëri – Uells, në kuadër të Play-Off-it të Kupës së Botës 2027 për vajza. Sfida e sotme do të mbahet në stadiumin “Loro Boriçi” të Shkodrës, ndërsa FSHF-ja i ka ardhur në ndihmë Kombëtares me bileta falas për tifozët.

Për Shqipërinë e vajzave, prezenca në këtë fazë të kompeticionit kaq madhor, siç është Kupa e Botës, përkon me arritje historike. Por të besuarat e Armir Grimës nuk kanë ndërmend të ndalen me kaq. Ato kërkojnë avancimin përtej Uellsit.

Dueli i kthimit dhe vendimtar për ekipin që do të kualifikohet më tej është përcaktuar për datën 13 tetor, në stadiumin “Parc y Scarlets” të Uellsit.