Kombëtarja shqiptare e 21-vjeçarëve, ka shkëlqyer në miqësoren e sotme të zhvilluar në Elbasan Arena, duke dhënë sensacione të mira, në prag të nisjes së fazës eliminatore të kampionatit europian U-21.
Djemtë e Alban Bushit, triumfuan me rezultatin 3-1, në stadiumin e qytetit të Elbasanit, përballë përfaqësueses U-21 të Bullgarisë.
Takimi nisi shumë mirë për vendasit, të cilët zhbllokuan rezultatin në minutën e 10’, me anë të Shpendit.
Kuqezinjtë u motivuan shumë nga ky gol, ndërkohë që kundërshtarët e tyre, po hasnin vështirësi në momentet pas pësimit të golit.
Në minutën e 14’, turko-shqiptari Arda Kurtulan dyfishoi shifrat për Shqipërinë, duke shënuar golin e parë për kuqezinjtë.
Në minutën e 24’, miqtë shkurtuan diferencat, me anë të Stoyanov, i cili mposhti portierin Simoni.
Me avantazhin 2-1 për Shqipërinë, u mbyllën 45 minutat e para të takimit.
Në fillimin e pjesës së dytë, më konkretisht, në minutën e 49’, Shqipëria realizoi dhe golin e tretë, falë Berishës.
Nga ky moment e deri në përfundimin e takimit, të dyja skuadrat krijuan raste të shumta për gol, por mbrojtjet respektive, arritën që të neutralizonin rreziqet.
Discussion about this post