Të shtëna me armë zjarri janë dëgjuar mbrëmjen e sotme në zonën e Kombinatit në Tiranë. Sipas Policisë, të shtënat kanë ardhur si pasojë e një konflikti mes një 60-vjecari me inicialet A. Sh., dhe një 43-vjeçari me inicialet, E. G.
Gjatë konfliktit, këta dy dy persona, kanë goditur me sende të forta njëri-tjetrin, dhe dyshohet se 60-vjeçari, A. Sh., ka qëlluar me armë zjarri. Ndërhyrja në kohë e Policisë bëri të mundur parandalimin e përshkallëzimit të mëtejshëm të konfliktit.
Si pasojë e goditjeve me sende të forta, janë dëmtuar dy palët e konfliktit dhe ndodhen në spital, jashtë rrezikut për jetën.
Në vendngjarje janë gjetur dhe sekuestruar në cilësinë e provës materiale një armë zjarri pistoletë dhe dy gëzhoja. Grup hetimor ndodhet në vendngjarje dhe po punon për sqarimin e rrethanave të ngjarjes.
Discussion about this post