Mediat turke kanë vënë në shënjestër kryeministrin grek Kyriakos Mitsotakis pas postimit të tij për 49-vjetorin e pushtimit turk të Qipros dhe komenteve.
Shtypi i shkruar dhe online e akuzojnë kryeministrin për termat që ai përdori si “pushtim”, “ushtri pushtuese” dhe “nuk harroj”, por edhe imazhin e pjesës veriore të Qipros “për gjakderdhje”.
Një postim “skandaloz” i Mitsotakis me një hartë që “shënjestroi Turqinë” i referohet një artikulli të gazetës Sabah.
“Kanë kaluar saktësisht 49 vjet nga “Operacioni Paqeruajtës” në Qipro i kryer nga Forcat e Armatosura Turke. Kryeministri grek Kyriakos Mitsotakis përdori shprehje të ekzagjeruara për operacionin”, komenton botimi.
Gazeta Haber tha në një raport të saj: “Post provokues për Qipron nga Mitsotakis. Ai ka shpërndarë një foto ku shihet “TRNC” i gjakosur”.
“Duke folur në përvjetorin e “Operacionit Paqeruajtës” në Qipro, kryeministri grek përdori shprehje skandaloze. Mitsotakis pohoi se ishulli është i “pushtuar” nga Turqia”, shkruan gazeta Yeni Safak,
“Postim skandaloz i kryeministrit grek. Mitsotakis pretendoi se Qiproja është e pushtuar nga Turqia, duke përdorur sloganin ‘Nuk harroj’”, komenton gazeta Aksam.
“Postim skandaloz i Kyriakos Mitsotakis në 49-vjetorin e “Operacionit Paqeruajtës” në Qipro! Greqia akuzon Turqinë për pushtim”, shkruan gazeta Takvim.
“Post skandaloz i Mitsotakis. Ai e quajti Turqinë ‘pushtuese’”, shkruan rrjeti TR Haber.
Discussion about this post