Ditën e sotme do të mblidhen katër Komisione Parlamentare, ku pas thuajse dy vjetësh jashtë parlamentit, do të marrin pjesë dhe deputetët e PD dhe LSI. Gijotina.com mëson se sot do të mblidhet Komisioni i Ligjeve, Shëndetësisë, Sigurisë dhe ai i Jashtëm.
Të dy kampet politik në vend kanë perceptime të ndryshme për mënyrën e zhvillimit të Komisioneve, ku qeveria është shprehur se komisionet do mbahen online, ndërsa opozita e ka kundërshtuar këtë vendim.
Debati u zhvillua javë e kaluan në Kuvend ku socialistët kërkuan që mbledhjet të zhvillohen online si vitin e kaluar si masë kufizuese për ndalimin e përhapjes së pandemisë, ndërsa deputetët demokratë kanë bërë të qartë se do të paraqiten fizikisht sepse nëse mbledhjet zhvillohen online, asgjë nuk do ishte e qartë për qytetarët.
Mirëpo Partia Demokratike, ka lajmëruar mediat mëngjesin e sotëm se deputetët do të jenë prezentë gjatë këtyre komisioneve, duke ndarë dhe oraret se kur do të zhvillohen.
Komisioni i Ligjeve, ora 10.30
Komisioni i Shëndetësisë, ora:11.00
Komisioni i Sigurisë, ora 11:30
Komisioni i Jashtëm, ora:13.30
Deri më tani, kanë mbërritur deputetët Oerd Bylykbashi, Dhurata Çupi Tyli, Bledion Nallbati dhe Elda Hoti.
