Ditën e sotme ka nisur mbledhja e dytë e Komisioni hetimor për zgjedhjet e 25 prillit 2021. PS kërkon për informacion drejtuar Lulzim Bashën dhe për Policinë e Shtetit për strukturën e mbrojtjen së votës e ngritur nga PD, para zgjedhjeve të 25 prillit.
“Kërkesë për Lulzim Bashën, kërkojmë informacion të detajuar, kur është themeluar struktura e mbrojtjes së votës, me çfarë platforme, akti që e ka themeluar strukturën në fjalë, si janë organizuar nga qendra e partisë deri në njësinë bazë, cila ka qenë skema organizative e kësaj strukture, si është financuar, mbi cilat kritere është bërë rekrutimi, sa ka qenë numri i anëtarëve, cilët kanë qenë drejtuesit, lista ë anëtarësisë, veprimtaria e tyre dhe e secilën anëtarë, a ka pasur përpjekje nga drejtuesit për korrigjimin e akteve të kundërligjshme, a ekziston sot, kjo strukturë, nëse jo a ka skema të ngjashme që parashikojnë rithirrjen e kësaj strukture” – thuhet në kërkesën e PS.
Gjithashtu kërkesa e dytë është për Policinë e Shtetit, ku kërkohet informacion nëse ishte në dijeni të një strukture të tillë.
“Kërkesa e dytë për Policinë e Shtetit. A ka qenë në dijeni policia e shtetit për këtë strukturë, cila ngjarje për krime zgjedhore janë kallëzuar nga kjo strukturë, në sa ngjarje rezulton e përfshirë struktura e mbrojtjes së votës, në cilat qarqe kanë ndodhur, a ka pasur bashkëpunim të kësaj strukture me policinë e shtetit, po denoncime?” – njofton PS.
Vrasja e Pjerin Xhuvanit në Elbasan, 4 ditë para zgjedhjeve të 25 prillit zbuloi ngritjen e një strukture të armatosur, të vetëshpallur Struktura për Mbrojtjen e Votës, ku një pjesë e mirë e anëtarëve të së cilës rezultuan persona të njohur edhe për strukturat ligjzbatuese në vend.
Discussion about this post