Burime për mediat, tregojnë se ka pasur një negociatë mes socialistit Taulant Balla dhe nënkryetarit të PD, Alfred Rushaj, ku Balla ka propozuar të merret një nga rregulloret e vjetra. Marrëveshja për ngritjen e Komisionit Hetimor për zgjedhjet është arritur mes PD dhe PS, ndërsa LSI e ka kundërshtuar.
Kjo marrëveshje i jep fund sagës për miratimin e rregullores së brendshme që mbante peng hetimin parlamentar për zgjedhjet. Formula për zgjidhjen e ngërçit erdhi nga demokratët.
Për këtë marrëveshje më i pakënaquri nga mirëkuptimin mes socialisteve dhe demokratëve rezultoi Petrit Vasili i LSI-së. Sulmi frontal që Lulzim Basha i bëri një ditë me parë Ilir Metës, duket se ka thelluar ndarjen e Partisë Demokratike me ish -partinë e Presidentit.
21 kërkesat e bëra publike të Partisë Demokratike për hetimin e zgjedhjeve dërguar institucioneve shtetërore, duke nisur nga Kryeministri Edi Rama si kryetar i Këshillit Kombëtar të Territorit, SHISH, SPAK, Prokuroria e Përgjithshme, Kadastra, 61 Bashkive si dhe 11 Ministrive.
Informacioni i kërkuar lidhet me hetimin e krimeve zgjedhore, fenomenin e patronazhistëve, emigrantët, punësimet, dhëniet e lejeve te legalizimit si dhe procesi i rindërtimit nga tërmeti.
21 KËRKESAT PËR HETIMIN E ZGJEDHJEVE NGA PD
1. SPAK
2. Prokurorisë së Përgjithshme
3. Drejtorisë së Përgjithshme të Policisë së Shtetit
4. Drejtorisë së Përgjithshme të Rezervave Materiale të Shtetit
5. Inspektoriatet
6. Agjencia e Prokurimeve Publike
7. Këshilli Kombëtar i Territorit
8. Agjencisë Shtetërore e Kadastrës
9. Bashkitë
10. Ministri i Shtetit për Rindërtimin
11. Drejtoria e Përgjithshme e Gjendjes Civile
12. Departamenti i Administratës Publike
13. Kompani Publike
14. Ministria e Shëndetësisë dhe Mbrojtjes Sociale
15. Bashkitë – Tërmeti
16. Agjencia Kombëtare e Shërbimit të Informacionit
17. Komisioneri për Mbrojtjen e të dhënave personale
18. Ministria e Brendshme
19. Ministritë
20. Ministria e Bujqësisë dhe Zhvillimit Rural
21. Shërbimi Informativ Shtetëror.
