Trajneri i Real Madrid, Karlo Ançeloti ka deklaruar se nëse Hazard dëshiron largimin nga spanjollët e ka derën e hapur për ta bërë një gjë të tillë. Italiani thekson se nuk dëshiron të mbajë asnjë lojtar pa vullnetin e këtij të fundit në klub.
“Është e qartë se ne duhet të marrim parasysh mendimin e secilit lojtar. Asnjëherë në karrierën time si trajner profesional nuk kam detyruar një lojtar të qëndrojë pa dëshirën e tij. Nëse një lojtar dëshiron të largohet, ai duhet të largohet. Ky është mendimi im, nuk ka dyshim në këtë”, theksoi Karlo Ançeloti. Hazard nuk ka arritur kurrë të impresionojë me paraqitjet e tij në “Santiago Bernabeu” për shkak të dëmtimeve të shumta.
