Tre institucionet, përfshirë Kryeministrinë nuk u janë përgjigjur kërkesave të drejtuar nga komisioni hetimor për vjedhjen e të dhënave të sistemit TIMS.
Në mbledhjen e kësaj të hëne, kreu i komisionit Ervin Salianji bëri me dije se Kryeministria, Ministria e Brendshme dhe Prokuroria e Tiranës nuk kanë respektuar fatin pesë ditor të kthimit të përgjigjeve (25 Prill).
Po ashtu, ai shtoi se Policia e Shtetit është përgjigjur në tejkalim të afatit.
“Nuk është përgjigjur kryeministria, mbase kanë pasur punë, të mbyllin punët në Itali njëherë pastaj të merren me çështjet e ligjit në Shqipëri, Ministria e Brendshme dhe Prokuroria e Tiranës”, ironizoi Salianji, duke iu referuar replikave të kryeministrit Edi Rama me gazetarët e “RAI3”, që publikuan një investigim një javë më parë, lidhur me marrëveshjen për refugjatët.
Moskthimin e përgjigjeve nga institucionet e dëuan deputetët demokratë në sallë, ndërsa ligjvënësi socialist Tonin Gogu mbrojti vonesën e kryeministrisë.
“Rrini të qetë se kryeministri do u përgjigjet, e di që nuk rrini dot pa marrë një kartolinë nga kryeministri…”, tha Gogu..
“E vlerësoj që pranoi se kryeministri do vijë. Ne këtë presim që të vijë dhe të japë përgjigje”, u përgjigj Salianji.
Ky i fundit vlerësoi si jo joserioze kthim-përgigjen nga Shërbimi Informatv Shtetëror. “I keqardhur që një institucion që duhet të jetë ndër më të rëndësishme, si SHISH, përdoret dhe sjell përgjigje për tu tallur me publikun. Ka qëllime të tjera tani mesa duket. Me nisjen e punës së këtij komisioni një drejtues institucioni është larguar, nuk do të them është bërë dëshmori i parë”, tha Salianji.
Pas gati dy orë mbledhje, ku në qendër ishin kërkesat për informacion, u vendos që mbledhja e radhës të zhvillohet ditën e martë.
Discussion about this post