Komisioni i Disiplinës dënon disa skuadra dhe zyrtarë klubesh për thyerje të rregullave sportive

Komisioni i Disiplinës dhe Etikës në FSHF ka vënë disa gjoba ndaj disa klubeve, për thyerjen e rregulloreve sportive.

Dy klubet e Superligës, Partizani dhe Teuta, kanë marrë gjoba nga 1 milionë lekë si pasojë e mosvënies së logos së “Abissnet Superiore” në fanella.

“FK Partizani, për mosrespektim të përsëritur të Rregullores së Veprimtarisë Futbollistike, duke mos vendosur stemën e Abissnet Superiore, në mëngën e djathtë të fanellës së lojës, në bazë të neneve 63.1, 82.1 të Rregullores së Veprimtarisë Futbollistike dhe nenit 14 të KDS, dënohet me gjobë në masën 100.000 (njëqind mijë) lekë.

KF Teuta, për mosrespektim të përsëritur të Rregullores së Veprimtarisë Futbollistike, duke mos vendosur stemën e Abissnet Superiore, në mëngën e djathtë të fanellës së lojës, në bazë të neneve 63.1, 82.1 të Rregullores së Veprimtarisë Futbollistike dhe nenit 14 të KDS, dënohet me gjobë në masën 100.000 (njëqind mijë) lekë” – thuhet në vendimin e Komisionit të Disiplinës dhe Etikës.

Një tjetër skuadër që është gjobitur me 1 milionë lekë është edhe Egnatia, për hedhjen e sendeve në terren sportiv. Po ashtu është dënuar edhe zyrtari i Egnatias, Klevis Murati, për sjellje josportive ndaj zyrtarëve të ndeshjes.

“KF Egnatia, për sjellje të gabuar të spektatorëve, hedhjen e sendeve në terrenin sportiv, në bazë të neneve 65/1, 65/3/a dhe 65/3/c të KDS, dënohet me gjobë në masën 100.000 (njëqind mijë) lekë.

Zyrtari i KF Egnatia, Klevis Murati, për sjellje josportive ndaj zyrtarëve të ndeshjes, në bazë të nenit 48/2/a të KDS, dënohet me 8 (tetë) ndeshje pezullim nga aktiviteti” – thuhet në vendimin e Komisionit.

Dënimeve nuk i kanë shpëtuar edhe disa lojtar dhe zyrtarë skuadrave të Kategorisë së Parë dhe 19-vjeçarëve, për sjellje jo sportive dhe sulm ndaj kundërshtarit.

“Lojtari i FK Tërbuni, Albers Keko, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.

Lojtari i FC Besa U-19, Ymer Fejzo, për sjellje josportive ndaj zyrtarëve të ndeshjes, në bazë të nenit 48/1/a të KDS, dënohet me 4 (katër) ndeshje pezullim nga aktiviteti.

Zyrtari i Football Republic U-19, Vladimir Gjoni, për sjellje josportive ndaj kundërshtarit, në bazë të nenit 47/2/a të KDS, dënohet me 4 (katër) ndeshje pezullim nga aktiviteti.

Zyrtari i Football Republic U-19, Bledar Malaj, për sjellje josportive ndaj kundërshtarit, në bazë të nenit 47/2/a të KDS, dënohet me 4 (katër) ndeshje pezullim nga aktiviteti.

Zyrtari i FK Partizani U-19, Reinaldo Kalari, për sjellje josportive ndaj kundërshtarit, në bazë të nenit 47/2/a të KDS, dënohet me 3 (tre) ndeshje pezullim nga aktiviteti.

Lojtari i Football Republic U-17, Orest Xhafa, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti” – shkruhet në vendimin e Komisionit të Disiplinës dhe Etikës në FSHF.