Komisioni i Përkohshëm i Rithemelimit ka reaguar për përjashtimin e katër deputetëve nga grupi parlamentar i Partisë Demokratike(Albana Vokshi, Flamur Noka, Luan Baci dhe Edmond Spaho), të cilët kanë kërkuar largimin e
Lulzim Bashës nga drejtimi i partisë.
Në një letër të dërguar për kryetaren e Kuvendit të Shqipërisë, Lindita Nikolla, Komisioni i Rithemelimit të PD-së i kërkon asaj të mos marrë në konsideratë kërkesa të paligjshme që kërcënojnë të drejtat e përfaqësimit dhe veprimtarinë parlamentare të deputetëve të zgjedhur të Partisë Demokratike dhe të qëndrojë jashtë konfliktit të brendshëm të një partie politike.
Sipas letrës së këtij Komisioni, theksohet se rregullorja e Kuvendit të Shqipërisë përcakton në nenin 15 të saj se grupet parlamentare formohen nga deputetët sipas përkatësisë partiake ose sipas orientimit politik. Kjo dispozitë, sipas Komisionit, përcakton qartë se grupet parlamentare formohen mbi bazën e rezultatit përfundimtar të zgjedhjeve të deklaruara nga KQZ.
Discussion about this post