Pas shumë mbledhjesh me debate dhe tensione, opozita dhe mazhoranca kanë bërë ‘paqe’ dhe kanë nisur punën në Komisionin Hetimor për PPP në Shëndetësi duke miratuar këtë të martë planin e vizitave për dy javë.
Kryetarja Albana Vokshi ka bërë me dije se sot janë dërguar të gjitha kërkesat për informacion të propozuara nga të dy palët e ekspertëve, edhe nga opozita edhe nga mazhoranca.
Ndërsa ka diskutuar në lidhje me planin javor të punës së komisionit, zonja Vokshi tha se të hënën planifikohet mbledhje e kryesisë së vogël, ndërsa parashtroi ehe kalendarin e vizitave, ku parashikohet vizitë në spitalin e Durrësit dhe Spitalin e Traumës.
“Kjo është një pikë e parë e mirë për punën e komisionit. Kemi diskutuar në lidhje me një plan vizitash. Është dakordësuar që këtë javë dhe tjetrën në vijim, ndërkohë që pritet përgjigjja e kërkesave, u kemi lënë kohë 7 ditë institucioneve, është propozuar plani për vizitat në terren.
Është propozuar që të premten të zhvillojmë një vizitë në spitalin e Durrësit dhe më pas do të vendosim për vizitë në 1 ose 2 qendra shëndetësore apo laboratorë.
Të martën të bëjmë një vizitë te spitali i Traumës dhe do të diskutojmë nëse do të vizitojmë një qendër shëndetësore”, tha ajo.
Discussion about this post