Me debate ka vijuar mbledhja e Komisionit Parlamentar Hetimor për TIMS, por në fund është miratuar me konsensus lista e dëshmitarëve që do të thirren për këtë hetim.
Më pas, me votat edhe të përfaqësuesve të opozitës, përjashto deputetin Asllan Dogjani, u votua Plani Hetimor i ekspertes së propozuat nga Partia Socialiste, Vjosa Bodo. Ky Plan Hetimor nuk parashikon thirrjen për të dëshmuar të kryeministrit Edi Rama dhe ish-ministrit të Brendshëm, Bledi Çuçi.
Po kështu nuk do të ketë ekspertim të vendit të ngjarjes e as nuk do të thirren ekspertë nga gjykata sikundër kishte propozuar opozita.
Në listën e dëshmitarëve janë një sërë zyrtarësh dhe ish-zyrtarësh që do të merren në pyetje nga Komisioni Hetimor. Por komisioni rezervon të drejtën në të ardhmen që nëse është e nevojshme të thërrasë edhe persona të tjerë për të dëshmuar.
Më herët mazhoranca dhe opozita nuk kanë rënë dakord fillimisht për kohën që i duhej dhënë ekspertëve për draftet e planit të hetimit, teksa Tonin Gogu i është drejtuar Ervin Salianjit duke i thënë se kohën që ishte në dispozicion për ta, e mori ai duke hedhur akuza drejt PS.
DEBATI: Salianji – Gogu:
Salianji: Këto bëji kur të shikosh filxhanin, jo këtu, mbledhjen e drejtoj unë… Hidhuni përpjetë sa të doni. Po jeni burra, po mirë po mirë ka dhe gra dhe shyqyr që jeni, por të thoni a ramë dakord kur u kërkua pushimi që t’i japim kohë ekspertëve sot dhe pastaj të mblidhemi për votim? Zgjidheni. Sot është 8 maj, dhe deri në orën 00:00 ka kohë. A ramë dakord? Pse e ndryshoni?
Gogu: Ramë dakord, dhe mos gaboj ishte ora 13:00. Që atëherë, tani është ora 14:40, pra kanë kaluar kohë shumë më tepër seç kërkuan ekspertët, sepse ke që qëparë që akuzon dhe atë kohë e ke vjedhur ti, dhe ndaj po propozoj atë kohë të vjedhur nuk e marrim dot dhe kalojmë në votim. Ose ekspertëve do u japim kohë, ose kalojmë tani në votim, ose ti merr mbrapsht të gjitha ato akuza që ke bërë, se duket që ke axhendë tjetër dhe jo axhendën e hetimit.
Salianji: Do qëndroj vetëm te ky propozim procedural. Jo nuk kam marr as 10 minuta nga koha, të gjithë kolegët bashkë… pasi të lexohen draftet ne ramë dakord që të marrim votim. Tani e ndryshuat. Ok kalojmë në votim. A jeni dakord? Tani që ta kuptojnë të gjithë, këta nuk miratojnë as planin nga ekspertja e tyre. Futjani vrapit tani, por nuk i shpëtoni dot hetimit. Keni 10 minuta pushim, nëse nuk bini dakord, do ta hedhim 100% në votim. Do qëndroj vetëm te ky propozim procedural. Jo nuk kam marr as 10 minuta nga koha, të gjithë kolegët bashkë… pasi të lexohen draftet ne ramë dakord që të marrim votim. Tani e ndryshuat. Ok kalojmë në votim. A jeni dakord? Tani që ta kuptojnë të gjithë, këta nuk miratojnë as planin nga ekspertja e tyre. Futjani vrapit tani, por nuk i shpëtoni dot hetimit. Keni 10 minuta pushim, nëse nuk bini dakord, do ta hedhim 100% në votim.
Discussion about this post