Komiteti i Ekspertëve, Rakacolli: Qarkullimi i Omicron-it shkak për infektimet

Komiteti Teknik i Ekspertëve është mbledhur ditën e sotme për situatën me koronavirusin dhe masat anti-Covid në vend.

Në këtë mbledhje ka qenë Rakacolli ajo e cila ka shpjeguar situatën deri më tani në vend.

“Komiteti ka ndjekur me vëmendje zhvillimin e situatave epidemiologjike në vend. Pas një periudhe të stabilizuar të përhapjes së infeksionit, prej disa javësh ka filluar një rritje të të infektuarve, por edhe të sëmurëve dhe humbjeve të jetës.
Trendi i rritjes është vënë re edhe javën e kaluar, ku numri i infektimeve është shtuar ndjeshëm, ku ka pasur dhe humbje të jetës. Kjo ka ndodhur nga qarkullimi i varianti Omicron”.