Nënkryetari i LSI-së, Petrit Vasili ka denoncuar faktin që qeveria e kryeministrit Rama jep edhe 30 % kompensim për ato kompani qe jepen me 99.9% te çmimit dhe pa garë.
Me anë të një postimi në rrjetet sociale Vasili shkruan se janë me qindra tendera, që jepen nga qeveria me 99% të çmimit ane e mbanë ministrive e drejtorive rilindase ku tenderohen qindra milion euro, siç thotë ai.
Vasili i bëri thirrje SPAK që të hetojë, pasi sipas tij dy rrugë janë, ose SPAK do te hetoje ose me mosveprimet e tij do te konsiderohet i inkriminuar me vjedhjen shtetërore.
Reagimi i Vasilit
Për tenderat, që jepen me 99.9% të çmimit dhe pa garë, Rama jep edhe 30% kompesim, ndërsa për qytetarët zero ndihmë!
Media raportojnë që Tenderi i mirëmbajtjes se katër rrugëve të Rajonit Qendror dhe Juglindor me vlerë 12 milionë euro jepet pa garë dhe me mbi 99.9% të cmimit.
Sikur nuk mjafton, që keta tendera dhurohen nga qeveria me 99% të vlerës, por do t’u japin edhe 30% kompesim.
Janë me qindra tendera, që jepen nga qeveria me 99% të çmimit anë e mbanë ministrive e drejtorive rilindase ku tenderohen qindra milionë euro.
SPAK rri mbyll sytë, gojën dhe veshët ndërsa paratë publike grabiten e plaçkiten kaq trashë sepse janë të sigurtë për pandëshkueshmërinë e tyre.
Ne nuk do mbyllim sytë dhe do t’ja kërkojmë SPAK zyrtarisht që të hetojë deri në fund.
Dy rrugë ka: ose SPAK do të hetojë ose me mosveprimet e tij do të konsiderohet i inkriminuar me vjedhjen shtetërore.
Discussion about this post