Armand Duka, president i Federatës Shqiptare të Futbollit, në faqen e tij zyrtare në Facebook, ka promovuar ndërtimin e Kompleksit sportiv Dinamo, si pjesë e projektit të FSHF-së “100 fushat”. Sipas tij, brenda 10 ditëve të ardhshme do të përfundojë dhe do të jetë në dispozicion të ekipeve njera nga fushat me bar natyral, të cilat do të shtojnë infrastrukturën sportive në qarkun e Tiranës.
“Dy fushat e reja të skuadrës së Dinamos, pjesë e projektit tonë madhor 100 fushat, janë drejt përfundimit dhe njëra prej tyre brenda 10 ditëve do të jetë në dispozicion të ekipeve për zhvillimin e seanca stërvitore. Ndërkohë që fusha me bar natyral po ecën me ritme të larta, duke i shtuar infrastrukturës sportive në qarkun sportiv Tiranë dy fusha të tjera për djemtë dhe vajzat që ndjekin ëndrrën e tyre të madhe.
Në të gjithë vendin vazhdojnë me ritme të larta punimet për fushat e reja që po ndërtohen me financimet e Federatës Shqiptare të Futbollit. Në prag të sezonit të ri futbollistik dua të garantoj të gjithë futbollistët dhe futbollistet se ne do të bëjmë gjithçka dhe nuk do të ndalemi në transformimin e infrastrukturës futbollistike,” – shkruan presidenti Duka në postimin e tij.
Discussion about this post