Klodian Rjepaj, ish-zv ministër i Shëndetësisë është arrestuar në lidhje me koncensionin e sterilizimit.
Po ashtu raportohet se në pranga është vënë edhe biznesmeni Ilir Rrapaj, i cili një ditë më parë me urdhër të SPAK u shoqërua në Polici.
SPAK po heton prej të paktën 3 vitesh mbi këtë tender, ndërsa janë marrë në pyetje ish-ministri i Shëndetësisë, Ilir Beqaj, ish-zv.ministri Klodian Rrjepaj, si dhe zyrtarë të tjerë të kësaj Ministrie, që kanë pasur dijeni për procedurat.
Në garë për koncesionin e sterilizimit me vlerë 100 milion dollarë, kanë hyrë 5 kompani, ku tre prej tyre janë skualifikuar në mënyrë të menjëhershme.
Gara për këtë koncesion deri në fund është zhvilluar mes dy Bashkimeve të Operatorëve Ekonomikë, ku në njërin krah qëndronin kompanitë “Action Laundry” me qendër në Durrës, “S.S.I”, “Mario Gugliemo”, dhe “Brema Ambiente”.
Ndërsa në krahun tjetër qëndronte Bashkimi i Operatorëve Ekonomikë, “Servizi Italia”, “Tecnosanimed”, “U.jet” dhe “Investital”, që përfaqësohej nga Ilirjan Rrapaj, i konsideruar si mik me ministrin e Shëndetësisë, Ilir Beqaj.
Por gjatë marrjes në pyetje nga SPAK, Beqaj i është shmangur disa herë pyetjes nëse kishte pasur njohje dhe miqësi më parë me Ilirjan Rrapaj, person i cili në 26 maj 2015 u shpall fitues i koncesionit për sterilizimin e pajisjeve kirurgjikale.
Megjithëse grupi i kompanive që përfaqësoheshin nga “Action Landeri” u ankua pranë Komisionit të Vlerësimit të Ofertave, duke renditur një sërë shkeljesh në përllogaritjen e pikëve, KPP vendosi të pranojë ankesën duke kthyer mbrapsht në Ministrinë e Beqajt praktikën e miratimit të koncesionit.
Vendimi është marrë në 22 qershor 2015 dhe KPP-ja, vërejti se mbledhja e pikëve në vlerësimin e parë ka gabime matematikore.
Pas këtij vendimi detyrues, procedura e mbledhjes së pikëve është mbajtur në datën 28 shtator 2015 dhe pikërisht në atë ditë është shpallur fituesi, ku sërish ka qenë bashkimi i operatorëve “Servizi Italia”.
Këtë herë kjo kompani ka marrë më shumë pikë se në vlerësimin e parë. Nga 73.98 në 91.03 pikë, rreth 22 pikë më tepër.
Burime pranë SPAK bënë me dije se Beqaj për këtë moment është shprehur se ai nuk kishte asnjë akses në përllogaritjen matematikore të pikëve.
Sipas tij, pikëzimi i kritereve të dy kompanive garuese, ishte përgjegjësi e punës të anëtarëve të Komisionit të Vlerësimit të Ofertave dhe jo e Ministrit.
Beqaj, rezulton të jetë firmëtar i lidhjes së kontratës koncesionare me kompani “Sani Service”.
Por ish-ministri mësohet të jetë shprehur në SPAK se për qartësimin e pikave të kontratës kishte ngritur një grup pune, me ekspertë të fushës që realizuan diskutimet mbi termat ligjorë që përmban kontrata.
Discussion about this post