Po mohoni të drejtën e opozitës për ngritjen e Komisioneve Hetimore. Kështu u shpreh kreu i Grupit Parlamentar të PD-së, Gazment Bardhi në mbledhjen e Konferencës së Kryetarëve, atje ku paraqiti kërkesat për ngritjen e komisioneve.
“Nëse keni pretendime për objektin, hajdeni ta riformulojmë. Por ju kërkoni të mohoni të drejtën e opozitës, duke shkelur kushtetutën e Shqipërisë.
Po shkelni çdo parim demokratik, duke i mohuar opozitës çdo hapësirë. Është kushtetuta, që i garanton opozitës të drejtat për komisionet hetimore”, tha Bardhi.
Opozita ka paraqitur kërkesat për ngritjen e komisioneve për koncesionet në shëndetësi dhe atë për trajtimin e të dhënave Personale, të sistemit TIMS.
Discussion about this post