Konferenca e Kryetarëve pritet të shqyrtojë sor dy kërkesat e deputetëve të PD-së për ngritjen e komisioneve hetimore parlamentare.
Ashtu sikundër kanë paralajmëruar, PD do të zyrtarizojë kërkesën për ngritjen e Komisionit Hetimor lidhur me ndërhyrjet në sistemin TIMS, por edhe për koncensionet në shëndetësi. Për këtë të fundit vëmendja pritet të përqëndrohet te koncensionit i sterilizimit dhe check up.
Gjithashtu pritet të zyrtarizohet kërkesa për ngritjen e një komisioni hetimor lidhur me zyrtarët që në konflikt interesi marrin vendime për të pasuruar miq dhe të afërm.
Të tre kërkesat për ngritjen e Komisioneve Hetimore do të fokusohen në shpërdorimin e detyrës së zyrtarëve.
Lidhur me koncensionet në shëndetësi SPAK ka nisur hetimet, ndërkohë që ndërhyrjet në sistemin TIMS janë rikthyer nga Prokuroria e Tiranës te AMP për plotësim hetimesh.
Nuk dihet se çfarë qëndrimi do të mbajë mazhoranca e Kryeministrit Edi Rama, por deri më sot ka pasur një bllokim prej saj të kërkesave për ngritje komisionesh.
Discussion about this post