Për të disatën herë sektori i Konfindustrisë në vend ka dalë kundër pakeyës së re fiskale që do të ndërmarrë qeveria nga janari i vitit 2022. Që prej fillimit bizneset e kanë kundërshtuar këtë paketë, duke thënë se ajo do të dëmtojë sektorin e bujqësisë, por ankesat e tyre nuk janë marrë parasysh nga qeveria. Ndërsa ditën e sotme, përmes një njoftimi publik Konfindustria i kërkon qeverisë që të shtyjë
“Konfindustria, duke marrë shkak nga problematikat e draftit të paketës fiskale 2022, kërkon nga ekzekutivi dhe Kuvendi i Shqipërisë të bëjë të mundur vazhdimin e konsultimit me grupet e interesit gjatë shqyrtimit në seancë plenare. Këshillimet me grupet e interesit në përgatitjen e paketës fiskale 2022 kanë qenë nga më të shkurtrat në nivel historik. Konfindustria vlerëson, se paketa fiskale 2022 është ndërtuar, duke synuar vetëm pjesën financiare të mbushjes në afatshkurtër të buxhetit. Në mënyrë të papranueshme mungojnë krejtësisht vlerësimet e domosdoshme arsyetuese të pasojave ekonomike të zbatimit të saj në nivel kombëtar dhe kategorive të prekura të biznesit. Shënojmë, se Shqipëria nuk ka portofol të veçantë qeveritar për ekonominë, por e ka të përfshirë në konflikt të qartë interesi institucional brenda Ministrisë së Financave”, thuhet në njoftimin e tyre.
Sipas Konfindustrisë sektorët më të prekur nga kjo paketë fiskale do të jetë bujqësia, kryesisht nga serat industriale, prodhimi i qumështit dhe nënproduktet e tij, agroturizmi. “Konfindustria vlerëson, se draft paketa fiskale 2022 në tërësi do të krijojë vështirësi shtesë për: – prodhimin vendor, -industritë, sidomos në kushtet e krizës energjetike, uljen e fuqisë konkurruese të ekonomisë në tërheqjen e investimeve si dhe krahësimisht prodhimeve dhe shërbimeve të ngjashme të importit. Përfundimet e analizës së Konfindustrisë, mbështetur në të dhënat e ardhura nga bizneset tregojnë, se sektorët ekonomikë më të prekur parashikohet të jenë; – sektori i prodhimeve bujqësore, kryesisht nga serat industriale, – prodhimi i qumështit dhe nënproduktet e tij, – agroturizmi, -kategori të gjera të ndërmarrjeve të vogla dhe të mesme/SME”, thuhet në njoftim. Në përfundim Konfindustria kërkon që kjo paketë të konsultohet më gjatë me të gjitha grupet e interesit.
Discussion about this post