Disa zyrtarë indianë kundër kontrabandës, kanë konfiskuar gati tre tonë të heroinës, që është raportuar të jetë në vlerë të 2.7 miliardë dollarëve, në portin e shtetit Gujarat.
Testimet forenzike janë ende duke u kryer për të vërtetuar vlerën e saktë të drogës së konfiskuar, kanë thënë zyrtarët për transmetuesin britanik, BBC.
Dy persona janë arrestuar dhe shumë të tjerë janë duke u hetuar, është thënë në deklaratë.
Dërgesa është nisur nga Afganistani, ku është deklaruar me përmbajtje të gurëve mineralë. Ajo ka arritur në postin në Gujarat përmes Iranit.
“Hetimet e kryera deri më tani kanë treguar për përfshirje të zyrtarëve afganë, të cilët janë nën hetime”, ka thënë Drejtoria për Inteligjencë të të Ardhurave.
Afganistani është prodhuesi më i madh i opiumit, sipas Zyrës së Kombeve të Bashkuara për Drogë dhe Krim. Korrja e tij e opiumit përbën më shumë se 80 për qind të furnizimit botëror. Bimët e opiumit rafinohen për të formuar bazën për disa droga që shkaktojnë shumë varësi, përfshirë heroinën.
