Zëvendësimi i Lionel Messit me Achraf Hakimin në minutën e 76-të të ndeshjes që ishte barazim 1-1 nuk i pëlqeu aspak argjentinasit.
Ky vendim i teknikut të PSG-së Mauricio Pochettinos ka sjellë një sërë kritikash në drejtim të tij jo vetëm nga mbështetësit e ‘pleshtit’, por edhe nga njohës të këtij sporti.
Mesa duket Messit do i duhet shumë kohë të qetësohet nëse do të kojtojmë se në 4 vitet e fundit ai është zëvendësuar vetëm dy herë.
Më 9 janari 2021 u zëvendësua, por Barcelona po fitonte 4-0 me Granadën (ai vetë kishte shënuar 2 gola) dhe po ashtu në janar të vitit 2018, në një ndeshje të Kupës së Mbretit ndaj Celta Vigos, në të cilën kishte realizuar gjithashtu një dopietë.
Ndërsa të nxirrej nga ndeshja e PSG me Lyon duket se e ka acaruar shumë yllin argjentinas, i cili nuk doli të festonte fitoren 2-1 të skuadrës së tij, falë golave të Neymar dhe Icardit, por qëndroi në dhomën e zhveshjes.
Ende nuk dihet se si do jetë ecuria e frymës në klubin e PSG-së, por diçka është e sigurt që trajneri Pochettino do e ketë shumë të vështirë./K.T/Gijotina.com
