Detaje të reja janë zbardhur nga operacioni i zhvilluar gjatë 24 orëve të fundit, ku u arrestuan katër persona dhe u shpallën në kërkim dy të tjerë, pasi tentuan t’i bënin atentat të një personi në kryeqytet.
Mësohet se, Policia e Lezhës në rrugë operative mori të dhëna se çifti Nikoll dhe Marie Marku si edhe dhëndri i tyre posedonin arme zjarri, municione dhe eksploziv. Në bazë të këtyre informacioneve policia nisi hetimet që çuan më pas në zbulimin e gjithë aktivitetit kriminal të tyre si edhe lidhjen me 31-vjeçarët Edmir Vlashi e Hektor Ndoka të cilët po planifikonin vrasjen në kryeqytet.
Gjithashtu mësohet se Ndoka dhe Vlashi kanë udhëtuar disa herë në kryeqytet për të studiuar lëvizjet e objektivit të tyre i cili kishte pak kohë që ishte kthyer nga Belgjika, aty ku dhe janë prishur pazaret e drogës.
Si rezultat i kontrollit janë gjetur dhe sekuestruar në cilësinë e provave materiale 2 mina me telekomandë, me lëndë eksplozive C-4, 88.900 euro, 2 armë automatike me shënjestër optike, 2 kallashnikovë, 1 armë automatike model “Scorpions”, me silenciator me dy krehra, 1 armë zjarri pistoletë model “Glock”, me një krehër me 11 fishekë, fishekë luftarak, kapsolla detonatore, fitil zjarrrpërcjellës, 1 armë gjahu, 2 radio marrëse-dhënëse si ato të Policisë, 2 skafandra motori dhe 1 automjet.
Discussion about this post