Presidenti i Serbisë Aleksandar Vuçiq ka reaguar pas letrës së kongresmenëve amerikanë drejtuar presidentit Joe Biden. Nëpërmjet kësaj letre, kongresmenët i kanë kërkuar presidentit të ndërhyjë për situatën politike dhe korrupsionin e lartë në Serbi.
Vuçiç është shprehur se vendimin përfundimtar do ta marrin qytetarët e Serbisë.
Për kongresmenët situata politike në Serbi mund të ketë ndikim në Ballkanin Perëndimor dhe gjithë Evropën, ndaj kërkojnë nga Biden që të veprohet me ligjin për shpalljen “non grata” të personave që rrezikojnë stabilitetin e rajonit.
Presidenti serb tha se Serbia është një faktor stabilizues në Ballkan. Ai gjithashtu tha se nuk ka frikë nga ngrirja e pronave dhe llogarive jashtë vendit.
“Ju kërkoj të më ngrijnë pronën jashtë vendit. Nuk më gjeni asnjë llogari. Nuk kam asnjë llogari jashtë këtij vendi, nuk mund ta ngrijnë, nuk kam para as llogari”, tha serbi.
“Gjatë vizitës suaj në Beograd në vitin 2016, ju folët për një të ardhme shpresëdhënëse për Serbinë dhe popullin serb. Për fat të keq, për të arritur në atë të ardhme më optimiste, ne besojmë se veprimet e mëtejshme diplomatike nga SHBA-ja dhe nga aleatët dhe partnerët tanë evropianë në veçanti janë vendimtare për t’u siguruar që Serbia mund të jetë efektive në zbatimin e reformave demokratike, duke bërë këtë, ata do të jenë në gjendje të përmirësojnë marrëdhëniet me të gjitha shtetet e Ballkanit Perëndimor, përfshirë Kosovën”, shkruhet në letrën e kongresmenëve.
Dokumenti është nënshkruar nga kongresmenët Raja Krishnamoorthi, Ritchie Torres, David N. Cicilline, Jan Schakoësky, James P. McGovern, Mike Quigley dhe Jim Costa.
Discussion about this post