Joseph J. DioGuardi kongresmen amerikan me origjinë arbëreshe nga Italia, ka reaguar në lidhje me çështjen e Butrintit. Ai i ka dërguar sot një letër ndaj kryeparlamentares Lindita Nikolla, ku kërkon që kjo e fundit të ndërhyjë për të shpëtuar Parkun Kombëtasr të Butrinitit.
DioGuardi shkruan se politika të tilla ngrinin pikëpyetje dhe se nuk kishte përse të kalohej në një sistem “hibrid” menaxhimi ku kjo pasuri kombëtare të kalonte nën menaxhimin e një partneriteti publik-privat. “Së fundi, mësova për shqetêsimet e thella të shprehura nga qytetarë të shquar të Shqipërisë, si p.sh. Prof. Neritan Ceka, arkeolog me famë ndërkombëtare dhe ekspert i dorës së parë për Butrintin, por të trazuar nga kjo gjë janë edhe shkencëtarë dhe ekspertë të tjerë shqiptarë.
Kam mendimin se këto zhvillime ngrenë pikëpyetje serioze për ruajtjen dhe integritetin e Butrintit, por edhe nëse një entitet i bazuar në SH.B.A., siç është Fondacioni Shqiptar – Amerikan i Zhvillimit, vepron në Shqipëri në shkelje të të politikave të qarta dhe të mirëpërcaktuara të qeverisë amerikane lidhur me menaxhimin e parqeve kombëtare.
Me të vërtetë, ju mund të keni dijeni se parqet tona shumë të vlerësuara në Amerikë menaxhohen ekskluzivisht dhe vetëm nga Shërbimi Kombëtar i Parqeve {National Park Service], një agjenci brenda Departamentit të Punëve të Brendshme të Qeverisë Amerikane. Në menaxhimin e tyre nuk përfshihen as fondacone private, as partneritete publike private, dhe as ndonjë model i ri apo “hibrid””, shkruan ai.
Ai shtoi më tej se këtë çështje do ta ngrinte si shqetësim edhe në agjenci të tjera ndërkombëtare dhe gjithashtu dhe në diskutime me kongresmenë amerikanë. “Por dua që të sigurohem që, meqenëse Shqipëria, të paktën teorikisht, është demokraci kushtetuese parlamentare, atëhere Anëtarët e Kuvendit të Shqipërisë duhet të përfaqësojnë zgjedhësit dhe t’u përgjigjen interesave të tyre, dhe jo liderëve të partive ose pushtetit ekzekutiv.
Me të vërtetë, në përvojën time në detyrë publike qëllimi im si kongresmen ka qenë zbatimi i Kushtetutës së SHBA-së dhe përcjella e zërit, interesave dhe përparësive të zgjedhësve të mi, dhe unë mund t’ju them se kam pasur raste të panumërta kur kam kundërshtuar “vijën e partisë”, duke votuar sipas ndërgjegjes time si dhe interesit të zgjedhësve të mi”, shkruan ai.
Discussion about this post