Një aksident ka ndodhur mbrëmjen e sotme në rrugën rurale të fshatit Gur të Këlcyrës. Policia bën me dije se një automjet tip “Opel” ka përplasur një të mitur Y. Sh., 14 vjeç.
Pas aksidentit shoferi me inicialet K.J është larguar nga vendi i ngjarjes duke braktisur mjetin.
Ndërkohë i mituri është dërguar në spital ku ndodhet nën kujdesin e mjekëve jashtë rrezikut për jetën.
Në vendngjarje ndodhen shërbimet e Policisë, të cilat po punojnë për kapjen e drejtuesit të automjetit dhe sqarimin e rrethanave të ngjarjes.
Discussion about this post