Autoriteti i Konkurrencës ka vendosur të zhvillojë hetime për një viti ndaj 4 kompanive të miellit në vend. Konkurrenca përcakton se gjatë këtij viti,
katër sipërmarrjet e prodhimit dhe tregtimit të miellit duhet të paraqesin një raportim me bazë tremujore mbi kostot e importit të grurit, kostot e millit dhe çmimin e shitjes së miellit.
Po ashtu, raportim tremujor duhet të bëjnë edhe për të dhëna lidhur me blerjet e shitjet nga kompanitë në përmbushje të detyrimeve të dhëna. Sipas AK, do të bëhet ky monitorim nëse këto kompani do bëjnë manovra për të ndikuar në ndryshimin e çmimit për shtijën e bukës. Kujtojmë se,
Autoriteti kishte konstatuar në raportin e fundit sjellje të bashkërenduar mes këtyre kompanive por nuk kishte vendosur për to gjobë, gjë që çoi më pas edhe në ndarje të anëtarëve të Komisionit të Konkurrencës. Jo vetëm kaq, mos vendosja gjobë nga AK, ka ngritur debate të forta nga qytetarë dhe politikanë, duke thënë se Konkurrenca ndikohet nga qeveria e cila mbron kompanitë që shtrenjton bukën e gojës për qytetarët shqiptar.
Prej disa javësh, çdo të hënë në vend zhvillohen protesta për ngritjen e çmimit të bukës, si dhe rritjen e çmimit për energjinë dhe ushqimet bazike të shportës. Qytetarët ankohen se e kanë të pamundur të përballojnë kostot e ushqimeve dhe rritja e çmimit të bukës ishte goditja e fundit.
Në një mbledhje të zhvilluar në shtator të këtij viti edhe me praninë e përfaqësuesve të ndërmarrje dy prej tyre Juliana Latifi dhe Eduart Ypi kërkuan ndëshkimin me gjobë, nga 3.28% deri në 10% të xhiros së kompanive për vitin 2020.
Por, Autoriteti thekson se pas seancës dëgjimore e të dhënave të mbledhura, koha një vjeçare e monitorimit të katër ndërmarrjeve nuk ka qenë e mjaftueshme për të arritur në konkluzione përfundimtare, duke argumentuar se për analiza të tilla nevojiten periudha më të gjata kohore. Prandaj, Autoriteti i Konkurrencës ka vendour të të mbajë nën monitorim edhe për një vit 4 kompanitë.
