Në puntatën e sotme të “Për’puthen”, konkurrenti i ri Dritani, ka treguar për herë të parë në takimin me Rrushen se ka një djalë 3 vjeç e gjysmë.
Kjo e fundit, si fillim mbeti e shtangur por më pas tha se nuk e kishte problem. Ai e ka fshehur këtë gjë pasi po priste një moment të duhur për ta thënë dhe ky do të ishte takimi i parë.
Vajzat në studio nuk e pritën mirë ketë lajm, pasi sipas tyre, Dritani duhet ta kishte thënë këtë gjë më para.
Mikela: Mund ta kishe thënë që në prezantimin e parë këtë gjë, por nuk e doje, e shfrytëzove takimin e parë që të dëgjoheshe pak më tepër dhe të fliteshin më shumë.
Efi: Të kisha hequr vizën direkt, kur ti mohon të tregosh për fëmijën tënd, ti kujton se do të bësh një femër për vete?
Dritani tha se nuk e mohon djalin e tij dhe se është gjëja më e rëndësishme që ai ka në botë.
Konkurrenti më pas tha se vendimi i tij për të ardhur në “Për’puthen”, nuk është pritur dhe aq mirë nga ish-bashkëshortja e tij.
Ai tregoi se si ish-bashkëshortja e tij ka qenë kundër idesë që ai të marrë pjesë në program dhe për këtë fakt iu është dashur të mos e takojë djalin e tij për dy javë.
Discussion about this post