Kryeministri Edi Rama nuk e ka fshehur asnjëherë simpatinë që ka për presidentin turk Recep Tayp Erdogan, marrëdhënie të cilën e theksoi më shumë gjatë ceremonisë së shpërndarjes së çelësave në Laç.
Rama tha se të gjithë njerëzit që njeh bëhen kuriozë për miqësinë e tij me Erdoganin, madje sipas tij disa e cilësojnë dhe si një çështje konspiracioni, por për Ramën lidhet vetëm me personalitetin e Erdogan si një njeri që mban fjalën.
“Po thosha se i kam takuar të gjithë burrat e mëdhenj për shkak të detyrës dhe është e vërtetë që shpesh janë kurioz se ç’është kjo miqësi kaq e ngushtë e imja me Erdogan. Dhe zakonisht priren ta shikojnë si një çështje konspiracioni. Jo Turqia ne otomane, jo xhamitë jo aspiratat e presidentit etj etj. Përgjigja ime është shumë e thjeshtë, Erdogan thotë atë që thotë dhe bën atë që thotë. Sot është e vështirë të gjesh njerëz që po e kanë po dhe jo-në e kanë jo“, tha Rama.
Më herët, Rama tregoi dhe për takimin e parë që ka pasur me Erdogan ku tha se ai ishte shumë i ndrojtur pasi presidenti nuk fliste shumë.
Discussion about this post